Mag-asawang OFW, Mas Yumaman sa Calamansi Kaysa sa Abroad | DTI: Asenso Pilipino S3 EP11

Mag-asawang OFW, Mas Yumaman sa Calamansi Kaysa sa Abroad Mahigit siyam na taon nagtrabaho sina Rico at Dalisay Comia sa Taiwan bilang factory workers. Pero kahit nasa Taiwan pa, pinaghandaan na nila ang kanilang pag-uwi sa Pilipinas. Nagpundar sila ng pampasadang jeep at maliit na calamansi farm. Dahil sa kanilang diskarte at kagustuhang makaahon sa kahirapan, sinimulan nila ang kanilang calamansi concentrate business—ang Mang R Calamansi Concentrate. Ngayon, mayroon na silang tatlong calamansi farm na may mahigit 800 puno ng calamansi at nakapagsusuplay ng calamansi juice sa iba't ibang establisyimento sa Batangas. Kasama si Karen Davila, alamin natin ang kwento nina Rico at Dalisay at ang kanilang calamansi business. #DTIPhilippines #DTIBagongPilipinas #DTIAsensoPilipino